غباااااء مبهدل

كان مرة ابو العربي بيتكلم مع صاحبه على القهوة وقال له:
-شوف يا برعي ، انا في يوم عديت على الاستاذ نبيه في الجمارك وانا شايل
كرتونة قد الداهية ورايا على الموتسيكل، الراجل هجم عليا وفتح الكرتونة
لقاها مليانة قش، ابن اللذين نزل فيها تفتيش ونكش لحد اما طلع الفيديو من
قعرها، وصمم يدفعني جمرك وغرامة كمان ،قلت عليا النعمة لا مطلع عينيه،
تاني يوم عديت عليه بنفس النظام، قعد ينكش الصندوق لغاية اما طلعت عينه،
وفي الآخر لقى في قعره ساعة صينيتسوى لحلوح واحد مالوش تاني! دفعت
له الجمرك والغرامة على الجزمة ومشيت، وتالت يوم نفس النظام، وأسبوع على
كده لحد الراجل ما زهق، وبطل يفتشني وكل اما اعدي عليه يقول لي:
مرحب يا بو العربي، عدي يا راجل البيت بيتك، ومايفتشنيش!
لحد ما يوم راح كابس علي وفرتك الصندوق، طلع اللئيم كان بينيمني علشان
ما خدش خوانه وأحط البضاعةاللي انا ناوي اهربها، بس على مين، هيه الساعة
يا باشا مافيش غيرها!
قعدنا على الحال ده شهرين، وبعدين لقيت الأستاذ نبيه بيخبط عليا في البيت،
وبعد اما خد الواجب بتاعه قال لي:
بص يابو العربي، انا خلاص سلمت، ومش قادر، حاموت واعرف انت بتهرب ايه!
ان شالله اعدم عيني وعافيتي لو فتشتك تاني حتى لو مهرب جمل المحمل،بس وحياة
العربي تقول لي انت بتهرب ايه!!
-وقلت له؟
-طبعا، ده حلفني بالعربي
-هه؟.....وطلعت بتهرب ايه؟
..
..
..
..
..
..
..
..
..
..
..
..
..
..
..
..
..
..
..

-موتوسيكلات!