دردشة ومنتديات روشنة

welcome in Rawshana


أنت غير مسجل لدينا(قم بالتسجيل) ،، أو أنك لا تعمل بعضويتك (قم بالدخول) .

دردشة ومنتديات روشنة


 
الرئيسيةترحب بكمس .و .جبحـثالتسجيلدخول

شاطر | 
 

 أخلاق ولاد البلد!!!!!!!

اذهب الى الأسفل 
كاتب الموضوعرسالة
dr:cherry
روش جديد
روش جديد
avatar

انثى
عدد الرسائل : 37
العمر : 28
البلد : cairo
الهواية : chat
العمل/الوظيفة : pharmacy student
  :
تاريخ التسجيل : 25/07/2008

مُساهمةموضوع: أخلاق ولاد البلد!!!!!!!   الجمعة أغسطس 01, 2008 3:50 am


الواحد حاسس إننا ماعدناش زي زمان.. كان زمان كده الواحد يسمع إن لو واحد عاكس واحدة في الشارع ياخد علقة محترمة ماخدهاش سجين سياسي في معتقل.. والناس تتلم وكله يشارك وتحيا الوحدة العربية.. والعنب العنب.. والحاجات دي..

حتى واحنا زمان في الجامعة.. كانت خناقة محترمة تحتوي على كل اللي قلبك يحبه من الأسلحة البيضا والسودا والسيوف بتاعة "مسرور" -مش عارف كانت بتدخل ازاي دي- عشان واحد عاكس واحدة فجابت قرايبها.. ده بالنسبة للجامعات العادية يعني.. أما بالنسبة للجامعات التانية اللي عمرنا ما هنشوف شكلها فكانت الخناقة دايما بسبب إن الواد "ميمي" عاكس البنت "سوسو" حبيبة "لولو".. فقام "لولو" جمع كل أصحابه اللي في السيبر بيلعبوا شبكة واللي بيلعب ع الجيتار على السلالم واللي بينظم رحلة لشرم الشيخ.. وطلعوا كلهم على شلة الواد "ميمي" وخاصموهم جامد قوي يعني.. وحطوا صابعهم الصغير في صابع التانيين الصغير.. أهو رد فعل وخلاص..

إنما اليومين دول مش عارف ليه حاسس إن المسألة انقرضت أو على الأقل قلت يعني.. بنات كتير بتتعاكس وماحدش بيتكلم ولا بيوقف اللي بيعاكس.. وماحدش يقول لي البنات لابسين وعاملين.. أحيانا بتبقى البنت لابسة زي الفل وبرضه بتتعاكس.. وده اللي حصل قدامي وكان هذا الموقف.

أنا كنت راكب المترو.. زحمة جدا يا ناس.. كنت حاسس إن اللي بينزل في محطة بييجي ومعاه قرايبه في المحطة اللي بعدها.. اتحشرت في حتة بين مجموعة من العظام والصدور الرجالية طبعا.. وفضلت واقف في مكاني ولا حد حاسس بيّ أساسا..

المهم وأنا واقف لاقيت راس شاب كده -ده اللي أنا شايفه منه- قدامي وهو بيلعب في الموبايل بتاعه أبو كاميرا والواد شكله مؤدب هاديييي.. قلت يا واد اتفرج جايز بيلعب.. قربت منه وفجأة شفت العجب.. الشاب مشغّل الكاميرا وجايب صورة بنت في آخر عربية المترو وظبّط الزوووم لحد ما الصورة قربت جدا واستنى لما البنت كمان بتبص فين عشان يبقى الوش كامل.. وكليك... لقط الصورة..

الغريب في الموضوع بقى إن الواد مابصش للبنت خالص ولا كأنه بيعمل حاجة.. هو شغال في الموبايل كأنه بيلعب فعلا ومستحيل حد يتخيل إنه بيصور.. ولا حتى أظن إنه شاف البنت بره الموبايل..

أنا شفت اللقطة دي بقى واتجننت.. وكل الكلام اللي فوق ده انفجر في دماغي.. الشرف.. العاااار.. الكرامة.. أخلاق ولاد البلد.. اعتبر إنها أختك.. خطيبتك -بعد الشر-.. مراتك بعد عمر طويل.. ستك الله يرحمها.. أي حد يعني.. وعلى طريقة "أدهم صبري" انفجرت الغدة اللي مش عارفها وطلعت كمية من الأدرينالين تكفي منتخب مصر عشان يفوز بكأس العالم.

قلت لنفسي: هي موتة ولا أكتر.. اتجرأ.. مستحيل الناس يسيبوك.. أكيد الحميّة دي موجودة عندهم بس محتاجين اللي يوجّههم.. وبعدين على الأقل هاضرب واتضرب أو حتى هاتضرب وهمّ هيلحقوا يحوشوا.. أي حاجة يعني بس ماقبلش الكلام ده.. وبعدين من مات دون عرضه فهو شهيد.. يا سلام لو الواحد مات شهيد.. وقعدت أقنع في نفسي لحد ما قلت خلاااااااص.. أنا هافرتكه..

خبطت على دراع الشاب.. و"خير اللهم اجعله خير".. إيدي خبطت في كمية من العضلات ولا حديد الدخيلة.. ومجموعة عروق اللهم صلِّ ع النبي.. وشوية عضلات بقى متبعترين الجهة دي والجهة دي..

كل ما أشوف عضلة.. سبب من الأسباب يروح.. قعدت أقول: هي اللي غلطانة.. ازاي تسمح لنفسها تقف في مترو وهي لابسة محتشمة كده؟؟ وكمان كاشفة وشها؟؟ يادي الكسوف.. وبعدين دي مستحيل تبقى أختي عشان أختي في البلد.. ولا ستي لأنها ماتت.. وبعدين دي مش عرضي عشان أموت عشانها.. وبعدين.......

قاطعني صوت بوابة قديمة بتتفتح وهو صوت الشاب بيقول: فيه حاجة يا كابتن؟؟؟؟؟

قلت له: حضرتك نازل المحطة الجاية؟؟؟؟؟؟



منقووووووووووووووول
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
الفرعون الصغير

نائب المدير العام
 نائب المدير العام
avatar

ذكر
عدد الرسائل : 2202
العمر : 32
البلد : الاسماعيليه
الهواية : الرسم والخط والزخرفه والشعر
العمل/الوظيفة : رائد فضاء متقاعد
الأوسمة :
  :
تاريخ التسجيل : 26/06/2008

مُساهمةموضوع: رد: أخلاق ولاد البلد!!!!!!!   الجمعة أغسطس 01, 2008 9:16 am

عسل

سلمت يداك سلمت يداك
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
buffy_mory
روش خاص
روش خاص
avatar

انثى
عدد الرسائل : 348
العمر : 27
البلد : egypt
الهواية : drawing
العمل/الوظيفة : STUDENT
  :
تاريخ التسجيل : 02/07/2008

مُساهمةموضوع: رد: أخلاق ولاد البلد!!!!!!!   الجمعة أغسطس 01, 2008 10:19 am

هههههههه
والبنت مالها ما تلبس اللى عايزاها هو اللى غلطان عشان معاه موبايل

سلمت يداك
_________
buffy mory
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mamlakatelro3b.forumotion.com
نور الايمان
روش فعال
روش فعال
avatar

انثى
عدد الرسائل : 125
العمر : 36
البلد : اليكس
الهواية : الرسم
العمل/الوظيفة : لا يوجد
  :
تاريخ التسجيل : 07/07/2008

مُساهمةموضوع: رد: أخلاق ولاد البلد!!!!!!!   الأحد أغسطس 03, 2008 10:02 am

هههههههه

بص من الاخر كدة انت اللى غلطان

ياابنى عيب عليك لما تبص فى موبايل غيرك ضحك حتى البكاء
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سوار محمد

إداري
 إداري


انثى
عدد الرسائل : 2717
العمر : 34
البلد : في بيتنا
الهواية : الرسم والقراءه
العمل/الوظيفة : صيدلانيه وامري لله
مزاجي :
الأوسمة :
  :
تاريخ التسجيل : 30/06/2008

مُساهمةموضوع: رد: أخلاق ولاد البلد!!!!!!!   الأحد أغسطس 03, 2008 3:27 pm

بيقدم ورده شكرا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
أخلاق ولاد البلد!!!!!!!
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
دردشة ومنتديات روشنة :: .. ّღ♥ღآلٌٍُمٌٍُنٌٍُتٌُديٌُآتٌٌٍُ آلٌُعآمٌٍُــٌُة ّღ♥ღ .. :: ّღ♥ღآلٌٍُنٌٍُُقٌُاشٌُ آلٌُجأدٍ ّღ♥ღ-
انتقل الى: