الانسة رفضت(72عريس)

انتي مين؟
انا ممثلة ل15مليون بنت من سن25 الي سن 35 واللي بيضغط عليهم المجتمع كل يوم علشان يتجوزوا مع انه مش بايديهم انهم لسه قاعدين.

الكلام ده قريته في المدونة عايزين غيره؟
انا اسمي غادة عبدالعال 29سنه صيدلانية في مستشفى حكومي.

وليه مش كاتبة اسمك وسنك ومهنتك في المدونة؟
اصل انا مش بحب الشهرة.

ماخلاص اللي حصل حصل وبقت مدونتك من اشهر 10 مدونات في مصر؟
كل شيئ بأوانه.

شكلك فيلسوفة قولي لي انتي عملتي المدونة دي امتى وليه؟
مافيش في الاول كنت بكتب في المنتديات لحد مطلعت المدونات فرحت عامله مدونة باسمي كنت بانشر فيها حجات عامه زي يوميات كده، لحد مجالي عريس رخم جدا وبايخ جدا وكنت عايزة اتكلم وافضفض عنه لاي حد مالقيتش لان كل اصحابي البنات اتجوزوا فرحت عامله مدونة(عايزة عريس) ولقيت بأه تعليقات وقراء وناس بتابع..فقررت اكمل ومن يومها ما بطلتش كتابة عن الجواز والعرسان.

وايه حكاية دار الشروق؟
أبدا الدار ياسيدي لما قررت تعمل سلسلة اسمها مدونات الشروق ودوروا على المدونات المشهورة فجت في السكة مدونتي..بعتولي..قلت على البركة.

سؤال محرج انتي فعلا بدوري على عريس؟
لا طبعا.

أمال عاملة مدونة ليه ومختارة اسمها(عايزة عريس)؟
في الاول كانت الحدوته شخصية لكن بعد كده لقيت الحكاية متخصنيش بالذات فقررت أن أتبنى قضية العنوسة بأكملها والمدونة مش معمولة للبحث عن عريس.

ياعني ماجلكيش عريس من وراها؟
عايزة اقولك اني من ساعة معملت المدونة ولقيت ربع سكان مصر حطني على الشات دا غير الايميلات وكلهم عرسان.

وليه متجوزتيش؟
لو كنت عاوزه اتجوز وخلاص كان زمان ولادي بتتخانق في الشارع لازم ألاقي الأول البني اّدم اللي يفهمني ويبقى تفكيرنا قريب من بعض.

انتي اتقدملك كام عريس؟
اضرب 8عرسان في9سنين فاتوا يعني حوالي 50 عريس.
غلط 72عريس زي مابتقول الاّلة الحاسبة.

وكل دول قعدتي معاهم؟
لا طبعا قعدت مع حوالي 20 منهم بس والباقي كان يتم استبعاده اول بأول لان ظروفهم ماكنتش تناسبني من المعلومات اللي جاتني عنهم.

والعرسان دول كلهم جولك منين؟
جم عن طريق اصحابي وزمايلي واصحاب وزمايل بابا وماما.

ومافيش حد من20 اللي قعدتي معاهم مناسب؟
اللي مبرتحلهوش واللي عنده مشاكل مادية واللي شخصيته مختلفة عن شخصيتي كده يعني.

أهلك موقفهم ايه من المدونة وصابرين عليكي ازاي؟
هما فعلا صابرين عليا أما حكايةالمدونة فأنا كنت مخبية عليهم الاول لحد مالمدونة انكتب عنها في الجرايد كتير فقلتلهم وكانوا مبسوطين جدا ودلوقتي بيدخلوا كل يوم النت ويشوفوا كتبت ايه.

غادة..انتي عندك 29 سنة؟
ماتكملش عارفة ان العداد بيخلص واني بلعب في الوقت الضائع لكن برضه مش هاتجوز غير الراجل اللي في دماغي.

ومين الراجل ده؟
في عبارة واحدة..بني اّدم بيفهم يعني ايه عادات وتقاليد عنده شخصية.

[/center]

هههههههههههههههههههه

ال مدونة عايزة عريس ال

قشطه والله وانا كمان هعمل مدونة عايز عروسة

ههههههههههههههههه

وانتي يا سواااااااار مش عايزة عريس

ههههههههههههههههههههههههه حلوة ديه

وانا هعمل مدونة اسمها

انا عايز اتجوز

نيههههههههههههههههههههههههههههههه
ضحك حتى البكاء

ههههههههههههههههههههه حلوه يالا بقى نعمل المدونه زيها

ههههههههههههههههههههه
ياريت 15 انا موافقة

اوك يالا نعملها كلنا وماله هي جت علينا