طريقه عمل الممبار بالصور

السلام عليكم حبيباتى
حبيت انى اشارك معاكم باكلة مصرية رااااااااائعة اوى وهى الممبار
مكوناتة
ممبار
ارز
طماطم
بصل
ملح وفلفل
خضرة كتيرة(بقدونس وكسبرة وشبت)
فلفل اخضر واحمر حامى
لحمة مفرومة
وزيت
ملحوظة بتكون كمية اللحمة المفرومة قد كمية الارز
طريقتة الطبخ
اولا لازم تنظف الممبار كويس جدا ونغسلة بالملح والخل ونقلب الممبار ويتغسل كويس جدا بالملح علشان ينظف
وبعدين نرجع نقلبة تانى علشان لما نحشية
خلطة الحشو
نفرم البصل فى الكبة ويكون كميتة معقولة مع كمية اللحمة المفرومة
ونتبل البصل كويس بالملح والفلفل ونحط علية اللحمة المفرومة ونقلبها كويس
ونزود عليها الارز ويكون مغسول برضو
ونضرب فلفل اخضر واحمر حامى ونحطة فى الطبق ال فية اللحمة والبصل
والطماطم ندربها فى الكبة علشان مش تبقى صلصة احسن انها تضرب فى الكبة ونحطها على الطبق برضو وممكن تقطع مكعبات صغيرة ال يريحكوا
ونقطع الخضرة ونحطها على الطبق برضو
ونحط كمية من الزيت عليهم
ويتقلب الخليط دة كويس جدا طبعا هيكون ريحة الخليط دة حلو اوى جاااامدة
وبعديها نبدا حشو الممبار
وبلاش نكبس الممبار فى الحشو علشان لما يتسلق مش يتقطع ويتفرتك
وبعد ما نخلص حشو نجيب حلة فيها ماية مغلية ونسلق فيها الممبار يعنى ساعة الا ربع تقريبا ودة يرجع ل نوع الممبار
ونبص علية كل شوية علشان مش يتفرتك فى الحلة
وبعد السلق يحمر فى زيت ويتاكل بالف هنا وشفا
دة بيتاكل معاة طحال او لسان