حملة احترم نفسك (لمجتمع غير متحرش)

حملة بدأها شباب مجلة كلمتنا شهر مايو وهنستمر فيها لحد مانعمل فرق !
قول "احترم نفسك"
لكل واحد بيتعدي على حرية الاخرين ..
لكل واحد شايف نفسه على البنات ..
لكل واحد بيضايق بنت في الشارع... بكلمة..بنظرة ..بلمسة...مش فارقة..
المهم ان خلاص بقى مش هنسكت ..!
عشان لسه فيكي رجالة يامصر !

عملنا استفتاء بين 100 شاب و شابه وجدنا نتائج مخيفة
1- 94% من البنات تعرضن للتحرش ونشك ان الباقي فاهم أصلا يعني إيه تحرش؟

2- 50 % رد فعلهم سلبي

3- 64 % بتخاف تحكي لأهلها !!

سألنا الشباب رد فعلهم لو شافوا ولد بيتحرش ببنت

14 % منهم قال "ماليش دعوة "

34 % قال هتدخل لكن بشرط تكون محترمة !

20 % قال لو شكلها مش محترم هعاكس معاهم !!

ده غير حكايات البنات اللي بتوصل على إيميل المجلة كل يوم ..حكايات تخلي الحجر يتحرك ...!!

مستني إيه محتاجينك معانا في الحمله يمكن أكتر من البنات...
محتاجينك عشان نحمي اختك والدتك ،زوجتك انها تتعرض لأي أذى من أي حد !

محتاجينك تبقي أقوى تعرفي حقوقك ...متخليش حد ينتهك حريتك ...عايزينك تبقي أجرأ..متخافيش..

احنا عايزين إيه من الحملة؟
- عايزينك تعرف إيه هو التحرش ؟
- عايزينك تتعلمي إزاي تتصرفي لو حد ضايقك في الشارع
- نفكر كلنا في طرق مبتكرة تحمي بيها البنت نفسها
- عايزين الولاد يعرفوا قد إيه الحكاية دي مؤذية لكل بنت
- نرجع تاني نخوة ولاد البلد لما كان واحد يشوف بنت بتتعاكس
- عايزين الأهالي تعلم بناتها إزاي تتصرف ويكون ليها رد فعل لو اتعرضت لأي حاجة في الشارع
- عايزين الأهالي تفهم ان البنت ضحية مش عشان اتعاكست يبقي لازم تكون هي السبب
- عايزين قانون واضح ضد التحرش عشان من حقنا كلنا نعيش بحرية.........!
- ويمكن نتستغني عن ده كله لولقينا من تاني نخوة ولاد البلد...الشهامة ...الجدعنة...الدم الحامي ...باختصار معنى الرجولة !

إزاي ؟
- هنعمل لقاءات شبابية هنتكلم فيها عن كل حاجة ... وهيشاركنا فيها متخصصين في الطب النفسي والدفاع عن النفس وحقوق المرأة.
- انتاج فيديو كليب يشارك فيها الشباب والنجوم.
- هننزل الشوارع - الجامعات – الكافيهات وفي كل مكان ...

تعمل إيه علشان تشارك معانا في الحملة؟
- تشاركنا..تقول لكل أصحابك ..اكتب معانا في مجلةكلمتنا...شاركنا بتجاربك..أراءك ...
شاركنا في لقاءتنا الشبابية وورش العمل اللي بنظمها خلال الحملة...
عايزين نوصل بالجروب لأكتر من مليوووووووون شخص..عشان نآثر بجد ...يلا محتاجينك معانا

مجلة كلمتنا
شكر خاص لكريم حسن - مصمم جرافيك مجلة كلمتنا على تصميم لوجو الحملة

رابط الفيس بوك للحملة
https://www.facebook.com/group.php?gid=20112551897

اخر اخبار الحملة

ورش المناقشات شغالة فى المجلة
النهاردة كانت فى قعدة عن اساليب الدفاع عن النفس قدمها الكابتن أديب,,,,,,,,,,,,,,,,,,,,,,, (شوفوا الصور)
30/6
شباب الحملة قسم نفسه على مناطق القاهرة الكبرى - و حينزلوا فى فرق يتكلموا مع السائقين فى المواقف العامة و بعد ما يشرحولوا الحملة لو اقتنع حايدولو الاستيكر و يصوروا لينا كل استيكر حايستخدموه عاااااااااااااش...................شوفوا الصور

أخر قعدة شباب - استضفنا الدكتور مدحت هادى- اخصائى نفسى اللى دردش مع شباب عن ازاى نوصل فكرة الحملة لكل
المستويات، و ازاى نتعامل مع ردود الفعل المختلفة
و عرضوا الشباب بعد كده presentations
عرضوا فيها كل المناطق اللى زاروها و اتناقشوا فى ردود فعل الناس و المواقف اللى اتعرضولها و تبادلوا الخبرات قبل ما ننزل مرة تانية ......................شوفوا الصور
"""""""""""""""""""""""""""""""
OTV جت حضرت قاعدة يوم الأتنين اللى فات و عملوا حوارات مع شبابا الحملة
و استضافوا يوم الثلاث منسقى الحملة مروة عوض(منسقة تحرير كلمتنا و احمد صلاح فى صباحك سكر زيادة )
كتبوا عن الحملة ا
http://b7l2a.com/?browser=view&EgyxpID=535
http://www.egyfilm.com/Forums/viewto...er=asc&start=0
تغطية ليوم الجمعة اللى فات واحنا موجودين فى المقالة
http://www.coptsunited.com/cn/printn.../12/7716.phtml

المصرى اليوم

http://www.almasry-alyoum.com/articl...ticleID=113330

مروة عوض-منسقة تحريركلمتنا احدى منسقى الحملةاتكلمت عن الحملة في برنامج البيت مع سلمى صباحي يوم الاتنين
الساعة 9 على الهواا
الأوقات -
على راديو حريتنا
http://www.horytna.net/home.aspx
جهاد احمد صلاح من منسقى الحملة اتكلم عن الحملة في نجوم اف ام
برنامج شبابيك اتكلم عن حملتنا في حلقة يوم الاربع 9 يوليو

الاحد 20-7 قناة الجزيرة عملت تقرير عن حملتنا في برنامج
حديث الصباح وتقرير تاني في نشرة الساعة السابعة

جريدة الوقت الالكترونية كتبت عن حملتنا
http://www.alwaqt.com/art.php?aid=122294

اسلام اون لاين تكتب عن الحملة
http://www.islamonline.net/servlet/S...News/NWALayout

البيت بيتك عملت تقرير عن الحملة من داخل مقر المجلة وتمت اذاعته يوم 23 يوليو

قناة النيل للاسرة والطفل
حضرت قعدة كملتنا وسجلت تقرير وهيتذاع على الهوا في حلقة عن الحملة يوم 28 يوليو الساعة 9

الاثنين 4_8
جريدة لوس انجلوس تايم حضرت قعدة يوم الاثنين وقامت بتغطية فاعليات اليوم وكتبت تقرير مفصل عننا من بداية الحملة

http://latimesblogs.latimes.com/baby...gypt.html#more

الاتنين 4_8
قناة دريم 2
برنامج ال10 مساءا
كان معانا وسجل تقرير عن الحملة وتم اذاعته فى نفس اليوم وايضا استضاف البرنامج رئيسة تحرير مجلة كلمتنا " نهال صلاح" مع الاعلامية "منى
الشاذلى"

برنامج 90 دقيقة - قناة المحور
استضاف مروة عوض منسقة الحملة و احمد صلاح المتحدث الرسمى للحملة و عرضوا تقرير عن نشاط شباب الحملة

حانعلن عن النشاطات المختلفة للحملة

Respectful support groups,organizations and public figures:
المساندون للحملة من منظمات و هيئات و شخصيات عامة

Discover the Moment- DTM
Sahara Safaris-SS
Egypt Skateboarders
New Horizon School
Wazayef Masr
EL Azhar Park
الإعلامي معتز الدمرداش
السيناريست تامر حبيب
الإعلامي :أسامة منير
المذيعة والمطربة :سلمي صباحي
السيناريست والكاتب الصحفي :بلال فضل
الفنان عمرو واكد
الفنان أشرف مصيلحي
الفنان أحمد فلوكس
المطرب :أحمد فهمي
د. مدحت هادى-الخبير النفسى للحملة
المذيعة:انجى المقدم
OTV- صباحك سكر زيادة
MBC - صباح الخير يا عرب
المذيعة : نيرفانا
قناة الجزيرة
Good News 4 Music - المنتج أحمد دسوقى
المجلس المصرى لحقوق المرأة
روتارى الجزيرة
د. عمرو عثمان
المذيعة حنان الديب
الإعلامى احمد المسلمانى
برنامج العاشرة مساء
الشاعر والممثل أحمد حداد
برنامج شبابيك
المخرجة ساندرا نشئت
المخرجة فدوى مواهب