لو عندك ضغط او سكر متدخلش

حوار يحرق الدم
فية اتنين ماشفتش والا حاشوف حد في غلاستههم
وبيقعدوا دايما يتناقشوا مع بعض واللي يقرب منهم يستاهل اللي يجرالة
ملحوظة هامة : اللي بيعاني من اي اضطرابات في ضغط الدم سواء كان ارتفاع او انخفاض او عندة دم من اساسة فمن مصلحتة انة يفوت الصفحات دي وبلاش يشيلني ذنبة لو جرالة حاجة - الواحد مش ناقص وقد اعذر من انذر
*****************************************************************************************
1- صخرة وقعت من فوق عمارة ولوح الازاز اللي تحتها ماتكسرش --لية؟
علشان ما وقعتش علية
2- طب فرخة بتعدي الشارع وماتت فجأة - لية؟
الصخرة وقعت عليها
3- لية ملخفن بيحط جنبة كباية شاي وهو نايم؟
علشان الشاي منبة
4- طب ولية بيحط جنب كبايةالشاي فنجان قهوة؟
علشان لو الشاي مرنش
5- ولية بيحط ملح علي راسة؟
علشان يبقي حدق
6- ولية بيحط سكر علي الكرسي فبل مايقعد؟
علشان تبقي قعدتة حلوة
7- حاجة بيضا طايرة في السما وبتقول نياو- اية هي؟
قطة بيضا مضروبة بالشلوت
8- طب حاجة سودا طايرة في الهوا وبتقول نيو- اية هي؟
غراب بيستهبل
9- طب حاجة بني طايرة في السما ومابتقولش حاجة -اية هي؟
فردة الجزمة بتاعة الراجل اللي ضرب القطة
10- طب حاجة سودا طايرة في السما ومابتقولش حاجة - اية هي ؟
غراب عاقل ومابيحبشش الاستهبال
11- حاجة زرقا طايرة في السما اية هي ؟
ذبابة لابسة بنطلون جينز ازرق
12- طب حاجة سودا وفيها خط احمر وطايرة في السما من الشرق للغرب- اية هي؟
ذبابة لابسة فستان سورية وحاطة روج ورايحة فرح واحدة صحبتها
13- طب في حاجة سودا وفيها خط حمر وطايرة في السما من الغرب للشرق- اية هي؟
نفس الذبابة نسيت حاجة في البيت فرجعت تاخدها
14- حاجة سودا ماشية في الصحرا - اية هي؟
سرب نمل راايح يعزي
15- نقطة سودا عالحيطة- اية هي؟
ذبابة
16- طب نقطتين سود عالحيطة تبقي اية؟
فيشة
17- طب 2 نقط عالحيطة - تبقي اية؟
ذبابة وفيشة
18- طب 54 نقطة عالحيط - تبقي اية؟
تبقي الحيطة بتقشر
19-- حاجة رفيعة وطويلة ولونها ابيض - اية هي؟
فتلة بيضا
20- طب حاجة طويلة ورفيعة ولونها اسود- اية هي؟
خيال الفتلة البيضا