قوانين منتدى عشاق تامر .. ارجو القرائه والعمل بها قبل المشاركه ..!

قوانين منتدى عشاق تامر حسنى ..

اي موضوع لا يراعى فيه الشروط المكتوبة تحت حيتقفل او يتحذف

اي موضوع بيحمل اساءة لشخص تامر واسمه وفنه من بعيد او قريب

اي موضوع ممكن يعمل مشاكل بين الاعضاء ويتقلب لتجريح واستهزاء لشخص تامر او للاعضاء

اي موضوع بيحمل اساءة لاي فنان تاني غير تامر

اي موضوع بيحمل فكرة المقارنات

اي موضوع مالوش فكرة او هدف

اي موضوع مكرر

اي موضوع عنوانه فيه اساءة حيتعدل

مش عشان نجذب الاعضاء للدخول يبقا نحط اي عنوان والسلام

بالنسبة للردود

اي رد فيه تهكم او تجريح او اساءة حيتحذف او يتعدل سواء لتامر حسني او اي مطرب اخر

و سواء من اعضاء منتدى تامر او من خارج المنتدى

الهدف من المنتدى ومن اجتماعنا هو المشاركة في الاراء التعبير عن حبنا لاسم تامر وفنه وشخصه

عمل مواضيع هدفها يضيف لصاحب المنتدى وللاعضاء والرقي بالمنتدى والعكس مرفوض

زي ما لينا حق التعبير لغيرنا حق التعبير طالما ملتزم بالقوانين المذكورة اعلاه

زي ما تامر مهم لينا كلنا بنحبه وبنحترم اسمه وفنه

يبقا بالمقابل نحترم تاريخ واسم اي فنان غير تامر

وبالتالي مش مسموح لاعضاء تامر التقليل من قيمة وحجم اي مطرب اخر

ملحوظه :مش مهم اننا نحب او مانحبش اي فنان اخر لاننا ايضا مش حنقلل ولا نضيف اي شئ عليهم

المهم نحترمه ونراعي شعور محبينه وبالمقابل من المهم مراعاة واحترام مشاعر اعضاء منتدى تامر

الاساءة والتجريح وتوجيه التهم والاهانات سهلة الاصعب هو كسب اعضاء جداد وكسب احترامهم

قد نتفق او قد نتختلف لكن الاهم احترام كل الاراء التي تحمل وجهة نظر محترمة ومنطقية

ارجو من الجميع قراءة القوانين جيدا والالتزام بيها

شكرا يا ادمن يا برنس ربنا يكتر من مواضيعك