دردشة ومنتديات روشنة

welcome in Rawshana


أنت غير مسجل لدينا(قم بالتسجيل) ،، أو أنك لا تعمل بعضويتك (قم بالدخول) .

دردشة ومنتديات روشنة


 
الرئيسيةترحب بكمس .و .جبحـثالتسجيلدخول

شاطر | 
 

 تعالى قولي بتحب ولا لا؟؟؟؟ خش قول بسرعه

اذهب الى الأسفل 
كاتب الموضوعرسالة
الفرعون الصغير

نائب المدير العام
 نائب المدير العام
avatar

ذكر
عدد الرسائل : 2202
العمر : 32
البلد : الاسماعيليه
الهواية : الرسم والخط والزخرفه والشعر
العمل/الوظيفة : رائد فضاء متقاعد
الأوسمة :
  :
تاريخ التسجيل : 26/06/2008

مُساهمةموضوع: تعالى قولي بتحب ولا لا؟؟؟؟ خش قول بسرعه   الأحد يوليو 13, 2008 6:02 pm

بتحب
قول ايوه..... يا لأه

ممكن يكون كل واحد فينا مر بتجربة حب
على فترات متعددة من عمره
من ساعة بنت الجيران اللي كنت بتلعب معاها على بسطة السلم
أو في مدخل العمارة
أو في دروب البلد
و براح الغيطان
أو التلميذة أم ضفاير بتاعت ابتدائي
البنت الأمورة
أم شعر ناعم
وكراساتها متجلدة ونضيفة
وبتجيب سندوتشات جبنة وبيض كمان
أو حتى في إعدادي
أو ثانوي
والبت اللي حبيتها
خرطها الخراط
وصبحت
زي السندريلا
في كتب الحواديت
بخدود ناعمة
وشعر طويل
وشفايف زي حبات الكريز
كل ده ممكن
بس الأكيد الأكيد
انك هنكرت شوية في الجامعة
ومشيت مع شوشو شرشر
أو نهى أستك
أو حتى كنت واد بيئة ولا مؤاخذة
عادي يعني يا جماعة
واتلميت على واحدة من بنات دبلون
ورحت قابلتها في المترو
وخدتها لفتين
مرج - جيزة
جيزة - مرج
ويا هئ
يا مئ
يا تربئ
أو كنت عايش في دور عبده الفاهم
والمحاضرة بتاعت انهاردة مكتبتهاش
وكشكولك يا بشمهندسة
أو يا دكتورة
أو يا أستاذة
عشان أنقل المحاضرة
وبعدين تروح طارش على الهامش
قصيدة عصماء
من نوعية الزميل محمد الفيومي

عينيك يا عينيك يا عين العنا
خديك يا خديك يا خد الخدا
وشكوت للقمر المضئ تلهفي
وسكبت من عين المعيد الادمعا.

وقعدت تحلم يومين بأنها هترد عليك
أو تبتسم لك
أو ترد عليك بقصيدة
تقول في مطلعها

دوس بنزين عالاول يا اسطى

لكن للأسف
تطلع البت عمشا
وما بتشوفش غير الكلام اللي على السطور

لكن اللي مش ممكن انك تكون زي حالاتي
أهبل ولا مؤاخذة
وعبيط بعيد عنك
وواخد الدنيا بالأحضان
وساعة ما يجي الحب يجي
على راحته ومزاجه
لغاية ما تطس يا حلو
ويؤتى الحذر من مأمنه
وتلاقي نفسك غرقان في شبر ميه
وبيتلعب بيك كرة شراب
ولا مؤاخذة
ويوم ترد على مكالماتك
وعشرة ولا معبره سعادتك
وتكتشف انك يا حلو اكتسبت صفات جديدة على حضرتك
هقولكم على اللي وصلني منه لغاية دلوقتي

1 - العبط حماكم الله
أكتشفت أني أصبحت عبيط وأهبل
- حماكم الله ورعاكم -
فتلاقيني مثلاً
ماسك صورتها اليتيمة اللي معايا
وعمال أكلمها وأشرحلها حالي
والغريب أنها بترد عليا
وبنقعد نضحك مع بعض
وساعات نبكي
وساعات نسكت
ونبص لبعض
ونرجع نتكلم تاني.

*******************
2- الذكاء والالمعية العالية

تسألك
انتا تعرف أنا طول الليل بعمل ايه؟
فيكون رد سعادتك
أكيد بتفكري فيا يا روحي
تتورد وجنتاها خجلاً
لتسألك لا بجد عرفت إزاي
انتي مش عارفة إني أقدر أقرا أفكارك
مع أنها طول الليل
- والعهدة على بتاع الرز -
نايمة في سريرها بتاكل رز مع الملايكة

***********************
3- البخل

لقيت نفسي وبقدرة قادر مقشف وبلم السحتوت
- وكل ما أفتكر أن جرام الدهب بقي بمية جنيه وأكتر
وأفتكر الشبكة والشقة والعفش والبيت الصغير والحلم والكبير -
أشد الحزام أكتر
مفيش سجاير
مع إني مش بشرب سجاير أصلاً
مفيش عصاير
ولا حاجة ساقعة
مفيش أكل في مطاعم
مفيش أكل لحم وفراخ
الاكتفاء بوجبة واحدة كل يومين
محاولة السنكحة على خلق الله
لو حد عزمك على أكل إعمل حساب أسبوع لقدام في بطنك.

**************************************
4 -البذخ الشديد

أيوه الله متستغربوش فتلاقيني كل ما أنزل سوق من الأسواق أو مول من المولات تحملني قدمي إلى قسم السيدات
- وقصدي شريف والله -
وأبتدي أشوف الهدوم
ياااه البنطلون ده شكله يهبل
هيكون حلو قوي عليها
- عارف أنها بتحب البنطلونات مع أن أمي لو عرفت هتطين عيشتي -
لا لا....... ولا الالطقم ده
على بعضه ملهوش حل
أكيد هتكون زي القمر فيه
بس تمنه غالي قوي
ميغلاش عليها
أنا بحب العطور
عشان كده تلاقيني واخد قسم العطور من أوله لأخرة
أجرب كل العينات المجانية
عشان أدور على أحلى حاجة ليها
صحيح وأنا خارج بيكون شكلي مش كويس أبداً
لأني بتكون طالعة مني كمية روايح حريمي ملهاش حل.

************************************

5 - مش عيب يا أستاذ

بسبب السطرين اللي فوق
بتعرض لمواقف سخيفة جداً
خصوصاً لما توصل لقسم الملابس الداخلية
أو لما تلاقي روحك قدام مكان البروفة بتاع الهدوم
أستحمل يا حلو البقين اللي هتاخدهم
ولا لا مؤاخذه
لما حد يفتكرك ولا مؤاخذه لا مؤاخذه
لا مؤاخذه يا جماعة يعني

*******************
6 - الجبن الشديد

المدير بتاعك يشتمك ويمرمط بكرامتك الارض
وتلاقي نفسك مبسوط
وساكت
وعمال تبتسم له
وده لسببين
الأول يا حضرات
عشان لو اتكلمت هيطير لك تلات ايام خصم زي ما حصل قبل كده وانت دلوقتي مش حملهم
خاصة أنها عايزة تشحن الموبايل قريب
وثانيا
وده الأهم بتعمل تدريبات على معاملة حماتك لو كانت منهم
لا قدر الله.

:****************************************
7 - الشجاعة الشديدة

وانت معاها
تحس أنك أشجع راجل في الدنيا
دا أنا لوحدي أحارب أمريكا
وايه يعني لما أموت فدا عنين حبيبتي
تقولك خايفة يا حبيبي
فيكون رد السيادة
طول ما أنا معاكي مش عايز أسمع الكلمة دي منك
مع إنك في نفس اللحظة برضه خايف برضه من الحساب أخر القعدة الحلوة.

اعتقد كده وفيت وكفيت ويارب مضربش بقا بس والله في شويه من الحقيقه

تقبلوا تحياتي وبمنى للجميع حياه سعيده يا رب


الفرعون الصغير
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نهى ليلو

مشرفة قسم الحب
 مشرفة قسم الحب
avatar

انثى
عدد الرسائل : 1204
العمر : 28
البلد : الاسكندرية
الهواية : الغناء وتقاليد الفنانين
العمل/الوظيفة : كلية تجارة اسكندرية
مزاجي :
الأوسمة :
  :
تاريخ التسجيل : 20/06/2008

مُساهمةموضوع: رد: تعالى قولي بتحب ولا لا؟؟؟؟ خش قول بسرعه   الإثنين يوليو 14, 2008 6:57 am

lol!

_________________
NaNa



الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
AL-MANSY

نائب المدير العام
 نائب المدير العام
avatar

ذكر
عدد الرسائل : 748
العمر : 32
البلد : أم الدنيا
الهواية : السفر
العمل/الوظيفة : عايش
علم بلدك :
مزاجي :
الأوسمة :
  :
تاريخ التسجيل : 09/02/2008

مُساهمةموضوع: رد: تعالى قولي بتحب ولا لا؟؟؟؟ خش قول بسرعه   الخميس يوليو 17, 2008 9:27 am

شكرا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
سوار محمد

إداري
 إداري


انثى
عدد الرسائل : 2717
العمر : 34
البلد : في بيتنا
الهواية : الرسم والقراءه
العمل/الوظيفة : صيدلانيه وامري لله
مزاجي :
الأوسمة :
  :
تاريخ التسجيل : 30/06/2008

مُساهمةموضوع: رد: تعالى قولي بتحب ولا لا؟؟؟؟ خش قول بسرعه   الخميس أغسطس 14, 2008 3:25 pm

ههههههههههههه شكرا ليك على الموضوع الحلو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
atsh
روش متميز
روش متميز
avatar

ذكر
عدد الرسائل : 248
العمر : 24
البلد : ***
الهواية : ***
العمل/الوظيفة : ***
  :
تاريخ التسجيل : 04/09/2008

مُساهمةموضوع: رد: تعالى قولي بتحب ولا لا؟؟؟؟ خش قول بسرعه   السبت سبتمبر 06, 2008 6:02 pm

هههههههههههههههههههههههههههههه .......................................موضوع حلو
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
تعالى قولي بتحب ولا لا؟؟؟؟ خش قول بسرعه
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
دردشة ومنتديات روشنة :: .. ّღ♥ღآلٌٍُمٌٍُنٌٍُتٌُديٌُآتٌٌٍُ آلرٍيــآضــيٌٍُــه والًٍشًٍِبٍابٍَيٍِيهღ♥ღ .. :: ّღ♥ღقٌٍسٌِِّمً آلـًِشـًٍِـًٍٍبــأًٍب ّღ♥ღ-
انتقل الى: